بعد انتقادات الجمهور: محمد ممدوح: اشتغلت على صوتي كويس.. ومش بحب حد يتريق عليا | فيديو
كشف الفنان محمد ممدوح موقفه من السوشيال ميديا، موضحًا أنه لا يهتم بالتعليقات السلبية غير البناءة، وإنما يهتم كثيرا بالانتقادات البناءة ويأخذها في اعتباره.
وقال محمد ممدوح، الكومنتات السلبية على السوشيال ميديا مش بتضايقني ولا بتأثر بيها، ومش برد على حد، لكن لو في انتقاد إيجابي وأحس إنها فعلا مشكلة عندي، بشتغل عليها على طول.
وأضاف محمد ممدوح: بتقبل الانتقادات، بس مش بحب حد يتريق عليا، ولما بعض الجمهور علقوا على صوتي ونَفَسي وإنهم مش بيسمعوني كويس، تقبلت ده واشتغلت عليه مع دكتورة متخصصة، والحمد لله صوتي اتطور والناس كمان قالت كدة.
أمينة خليل تتحدث عن محمد ممدوح
وفي وقت سابق، تحدثت أمينة خليل عن تعاونها المستمر مع الفنان محمد ممدوح، آخره في فيلم إكس مراتي، حيث قالت بنطلع من بعض حاجات حلوة وبنحب نشتغل مع بعض جدًا، بنحترم بعض وبنحترم شغل بعض، وبندي لبعض مساحة أن كل واحد يطلع أحسن ما عنده، والتكرار علمنا حاجات عن الأداء نفسه، وحاسة أن الحمد لله الناس مش زهقانة.
