دافنشى مؤلف برنامج قطايف يكشف كواليس الساعات الأخيرة لبرنامج سامح حسين

أوضح الكاتب عبدالرحمن هيبة الشهير بــ ( دافنشى ) - مولف حلقات برنامج قطايف - فى بوست نشر على الصفحة الرسمية له على موقع التواصل الاجتماعى “الفيسبوك ” كواليس الاعلان عن حلقات برنامج قطايف الذى يقدمة الفنان الكوميدى سامح حسين وعن الساعات الاخيرة قبل بدء الاعلان عنه فى وسائل التواصل الاجتماعى بالسويشال ميديا فقال نصا فى سطور البوست المنشور له:

((بكلم أستاذ سامح حسين قبل رمضان بيوم، اللي هو احنا بكرا هنعرض الحلقات بتاعة قطايف، وبقوله يا أستاذ احنا ليه معملناش إعلان نعرف الناس إننا نازلين بحاجة..

أو حتى كنا كتبنا على صفحاتنا الشخصية دا مفيش حد في مصر يعرف ان البرنامج هيتعرض بكرا، قالي والله انا كنت ناوي اعملها مفاجأة كدا آه والله العظيم قالي كدا..

قولتله يا ريس مفاجأة ازاي دول بيعملوا إعلانات قبلها بسنة، احنا محدش يعرف اننا هنعمل حاجة أصلا، على الأقل ننوه..

قالي خلاص هتصرف، بعدها بساعتين رفع ڤيديو عادي جدا متصور بكاميرة موبايله ومتصور في بيته، بيمسي على الناس وبيستأذنهم يكون ضيفهم في رمضان..

دي الكواليس اللي ورا البرنامج اللي مكتسح خرايط المشاهدات كلها وبيتشاف في العالم العربي كله الحمد لله، ومستحوذ على التريند بشكل كامل لدرجة ان التايم لاين عندنا كلنا عبارة عن فواصل قصيرة من الـ ( أي حاجة ) وسط بوستات بتتكلم عن سامح حسين وعن برنامج قطايف..

طيب هل انا بقول الكلام دا كله عشان أقولكم احنا جامدين أوي ؟ في الحقيقة لأ، إحنا أدوات في إيد القدرة الإلهية، كلنا..

ودا درس يا رب نتعلمه، وهستعير جملة قالهالي واحد صاحبي عزيز عليا ( الحق ينتصر بذاته لا بأدواته )

فالحمد لله رب العالمين))

هذا الأمر لقى تجاوبا كبيرا من متابعين صفحة المؤلف دافنشى او عبدالرحمن هيبة، وعلقوا مهنئين له بنجاح هذا العمل فى شهر رمضان.

 

مؤلف قطايف تعليقات الجمهور عل بوست مولف برنامج قطايف تعليقات الجمهور عل بوست مولف برنامج قطايف تعليقات الجمهور عل بوست مولف برنامج قطايف